„შემიძლია, საკუთარი ისტორიიდან თავგანწირვის მაგალითებიც კი მოვუთხრო ყველას” – ეკა ბესელია

region
: region თებერვალი 13, 2019 17:58

„შემიძლია, საკუთარი ისტორიიდან თავგანწირვის მაგალითებიც კი მოვუთხრო ყველას” – ეკა ბესელია

„შემიძლია, საკუთარი ისტორიიდან თავგანწირვის მაგალითებიც კი მოვუთხრო ყველას,“- ასე უპასუხა ეკა ბესელიამ პრემიერის განცხადებას მოსამართლეთა დანიშვნის თემაზე საპარლამენტო უმრავლესობაში არსებულ დაპირისპირებაზე.

მამუკა ბახტაძე მიიჩნევს, რომ საპარლამენტო უმრავლესობაში არსებული აზრთა სხვადასხვაობა ნორმალურია და ის მომავალშიც არ გამოირიცხება.

ბესელია აღნიშნავს, რომ ის გუნდურობის პრინციპებს იცავს და როდესაც ამ პრინციპის დარღვევაზე საუბრობენ, ის ადრესატად საკუთარ თავს არ მოიაზრებს.

საპარლამენტო უმრავლესობის დეპუტატი ასევე მოუწოდებს პარტიის ხელმძღვანელობას, რეაგირება მოახდინონ ვანო ზარდიაშვილის განცხადებაზე, რომლითაც მან ეკა ბესელიას საკანონმდებლო ინიციატივას ანტიკონსტიტუციური უწოდა.

„მე ადრესატად არასდროს არ მივიჩნევ საკუთარ თავს, როდესაც ამ თემაზე საუბრობენ. იმიტომ, რომ შემიძლია, გუნდურობის მაგალითები, მათ შორის კლასიკური მაგალითები და ზოგჯერ თავგანწირვის მაგალითებიც კი, რომელიც ცოტა უჩვეულოა პოლიტიკისთვის, ასეთი მაგალითები საკუთარი ისტორიიდან მოვუთხრო ყველას. ამიტომ არ ვღებულობ ამას საკუთრივ მე. რაც შეეხება იმ ცნობილ ძალიან უნიჭო და სამარცხვინო კომენტარს, რაც გაკეთდა კლასებთან დაკავშირებით და იყო შეურაცხმყოფელი კოლეგების მიმართ, ჩემთვის ეს ნაკლებად საინტერესოა,“- განაცხადა ეკა ბესელიამ.

region
: region თებერვალი 13, 2019 17:58

გამოკითხვა

ზუგდიდის მერობის არჩევნებში რომელი კანდიდატი გაიმარჯვებს?

შედეგის ნახვა

Google სტატისტიკა


15,127
ვიზიტორი
დღეში
Powered By Google Analytics