პრემიერ-მინისტრი მამუკა ბახტაძე უკვე პარლამენტშია. ინტერპელაციის წესით დაბარების შემდეგ პრემიერმა დეპუტატების კითხვებს უნდა უპასუხოს.
პრემიერმა ჟურნალისტის კითხვაზე რამდენად მძიმე ქვეყანაში კრიმინალური მდგომარეობა, არ უპასუხა. მამუკა ბახტაძემ კითხვაზე – გაუარესდა თუ არა ქვეყანაში კრიმინოგენული ვითარება, მხოლოდ ის თქვა, რომ “კითხვა არასწორად არის დასმული”.
„შეკითხვის ფორმულირება უკვე არის საზოგადოების შეცდომაში შეყვანის მცდელობა,“ – აღნიშნა პრემიერმა.
პრემიერ-მინისტრის დღევანდელ გამოსვლას შინაგან საქმეთა მინისტრიც დაესწრება. არსებულ ვითარებაზე მედიასთან არც გიორგი გახარიას უსაუბრია. გახარია ამბობს, რომ განცხადებას, პრემიერის და დეპუტატების მოსმენის შემდეგ გააკეთებს.