თბილისში, „ლიბერთი ბანკის“ დიღმის ფილიალზე თავდასხმა მოხდა. ამ დროისთვის არსებული ინფორმაციით, ბანკში ერთი პირი შეიჭრა. თავდამსხმელი შეიარაღებული იყო. წაღებულია თანხა, თუმცა რა რაოდენობის, ჯერ უცნობია.
ადგილზე ექსპერტ-კრიმინალისტები მუშაობენ, კითხავენ ბანკის თანამშრომლებს, რომლებიც მომხდარის დროს ბანკში იმყოფებოდნენ.
შინაგან საქმეთა სამინისტროს ინფორმაციით, ფაქტზე გამოძიება სსკ-ის 179-ე პირველი ნაწილით (ყაჩაღობა) და სსკ-ის 236-ე (ცეცხლსასროლი იარაღის უკანონო შეძენა შენახვა ტარება) მუხლებით დაიწყო. მათივე ცნობით, მიმდინარეობს საგამოძიებო მოქმედებები სავარაუდო დამნაშავის დასაკავებლად.
