ია კერზაიას საქმე და ზეწოლა წინასაარჩევნოდ საჯარო სექტორის წარმომადგენლებზე – პრემიერს ევროპელმა დეპუტატებმა ევროპარლამენტარების კრიტიკული წერილი შეახსენეს.
ევროსაბჭოს საპარლამენტო ასამბლეაზე მამუკა ბახტაძეს ჰკითხეს, შეუძლია თუ არ დადოს პირობა, რომ ის გაითვალისწინებს ევროპარლამენტარების მოთხოვნას და ამ ტრაგიკულ საქმეზე გამოძიება დასრულდება.
„შეგიძლიათ დაგვპირდეთ, რომ ეს ტრაგიკული საქმე ნამდვილად იქნება ბოლომდე მიყვანილი?“-მიმართეს პრემიერს.
მამუკა ბახტაძემ კი განაცხადა,რომ კერზაიას საქმე მართლაც ტრაგიკულია, თუმცა ამ ტრაგედიას გარკვეული ჯგუფები პოლიტიკური სპეკულაციებისთვის იყენებენ.
„რა თქმა უნდა, ეს იყო ადამიანური ტრაგედია და მინდა მივუსამძიმრო ია კერზაიას ოჯახის წევრებს. სამწუხაროდ, ზოგიერთი პოლიტიკური პარტია იყენებს ამ ტრაგედიას პოლიტიკური სპეკულაციებისთვის. მაქვს მოლოდინი, რომ გამოძიება ყველა შეკითხვას პასუხს გასცემს,“-განაცხადა პრემიერმა.
