ამერიკის შეერთებულმა შტატებმა უკრაინას 500 მილიონი დოლარის ღირებულების სამხედრო დახმარების ახალი პაკეტი გამოუყო. ამის შესახებ აშშ-ის სახელმწიფო მდივანმა ენტონი ბლინკენმა განაცხადა.
აღნიშნულია, რომ ახალი დახმარების პაკეტი მოიცავს საბრძოლო მასალას HIMARS-ის მრავალჯერადი სარაკეტო სისტემებისთვის, ასევე ტანკსაწინააღმდეგო იარაღს და დრონის საწინააღმდეგო საშუალებებს.
გამოცხადებული დახმარების პაკეტი მოიცავს შემდეგ იარაღს:
✅ უპილოტო საჰაერო სისტემების (c-UAS) წინააღმდეგ საბრძოლო მასალები;
✅ საბრძოლო მასალა მაღალი მობილურობის საარტილერიო სარაკეტო სისტემებისთვის (HIMARS);
✅ 155 მმ და 105 მმ საარტილერიო საბრძოლო მასალა;
✅ მაღალი სიჩქარის ანტირადიაციული რაკეტები (HARMs);
✅ უპილოტო საფრენი აპარატები (UAS);
✅ ნაღმებისადმი მდგრადი მანქანები (MRAPs);
✅ მაღალი მობილურობის მრავალფუნქციური ბორბლიანი მანქანები (HMMWVs);
✅ მსუბუქი ტაქტიკური მანქანები;
✅ ქიმიური, ბიოლოგიური, რადიოლოგიური და ბირთვული (CBRN) იარაღისგან დაცვის საშუალებები;
✅ Javelin და AT-4 ტანკსაწინააღმდეგო სისტემები;
✅ TOW რაკეტები;
✅ საბრძოლო მასალა მცირე იარაღისთვის;
✅ ყუმბარები და სასწავლო აღჭურვილობა;
✅ აღჭურვილობა და საბრძოლო მასალა დამანგრეველი სამუშაოებისთვის.
✅ პაკეტში ასევე შედის სათადარიგო ნაწილები, დამხმარე აღჭურვილობა, მომსახურება, სწავლება და ტრანსპორტირება.
ბლინკენის თქმით, დახმარება აშშ-ის სამხედრო რეზერვებიდან გამოიყოფა.
