აშშ-ის პირველი ლედი ჯილ ბაიდენი სამუშაო ვიზიტით უკრაინაში 8 მაისს ჩავიდა. კერძოდ, იგი ჩავიდა უჟგოროდში. ამის შესახებ ტრანსკარპატების რეგიონალური საბჭო წერს.
გავრცელებული ინფორმაციით, ჯილ ბაიდენი უკრაინის პირველ ლედის ოლენა ზელენსკაიას შეხვდა. მათ ერთ-ერთი სკოლა დაათვალიერეს, სადაც საომარი მოქმედებები გრძელდება.
„პირველი ლედის ბაიდენის ვიზიტი არის აშშ-ის მაღალი რანგის ოფიციალური პირების მიერ უკრაინის მხარდაჭერის დემონსტრირება“, – ნათქვამია განცხადებაში.
ჯილ ბაიდენის ვიზიტი საჯაროდ არ გამოცხადებულა, საიდუმლოდ ინახებოდა და მედიისთვისაც უცნობი იყო. შეხვედრას მხოლოდ თეთრი სახლის პრესსამსახური ესწრებოდა.
ასევე, ვრცელდება ინფორმაცია, რომ ამ დროისთვის მან უკვე დატოვა უკრაინა.