საზღვაო სააგენტოს ინფორმაციით, შავ ზღვაში სამაშველო ოპერაციისას ნაპოვნ სამ გარდაცვლილს შორის საქართველოს მოქალაქე არ აღმოჩნდა. მაშველებმა სამი ცხედარი გუშინ იპოვეს, ხოლო ერთი ადამიანი გადაარჩინეს. ცხედრების იდენტიფიცირება ცოტა ხნის წინ დასრულდა.
19 აპრილს ჩაძირული სატვირთო გემის ეკიპაჟის წევრების ძებნა-გადარჩენის ოპერაცია ამ დრომდე გრძელდება. პანამის დროშის ქვეშ მცურავ გემზე ეკიპაჟის 12 წევრი, მათ შორის საქართველოს მოქალაქეც იმყოფებოდა.
