შალვა შავგულიძემ, როგორც იურისტმა და პოლიტიკოსმა, სანდრო გირგვლიანის საქმეზე გამართული დებატები პირწმინდად წააგო

თაიმერი timer.ge
: თაიმერი timer.ge აპრილი 17, 2019 19:04

შალვა შავგულიძემ, როგორც იურისტმა და პოლიტიკოსმა, სანდრო გირგვლიანის საქმეზე გამართული დებატები პირწმინდად წააგო

შალვა შავგულიძემ, როგორც იურისტმა და პოლიტიკოსმა სანდრო გირგვლიანის საქმეზე გამართული დებატები პირწმინდად წააგო და მთელი ოპოზიციური სპექტრი დაირაზმა, რომ მისი წაგებული დებატები რამენაირად „გააპრავოს“, მაგრამ ეს შეუძლებელია, რადგან მან პასუხები ელემენტარულ კითხვებზე არ გასცა, – ამის შესახებ ჟურნალისტებს ფრაქცია „ქართული ოცნების“ თავმჯდომარემ, მამუკა მდინარაძემ განუცხადა.

დეპუტატის თქმით, შალვა შავგულიძისგან მსგავსი პასუხების გაცემას არ ელოდა.

„პასუხი ვერ გასცა, შემაჯამებელ გადაწყვეტილებასთან ერთად პირველი ინსტანციის სასამართლოს სხვა გადაწყვეტილებები რატომ არ გაასაჩივრა, რისი გასაჩივრების უფლებაც მაშინდელი კანონმდებლობით ჰქონდა. ასევე, შეიძლება კითხვა დაისვას – უზენაესი სასამართლოს ნებისმიერ მოსამართლეს, რომელიც საკასაციო საჩივარს განიხილავდა, რა უნდა გაეკეთებინა იმ ფარგლებში, რა ფარგლებშიც დაახვედრეს თავისი დაცვის სტრატეგიიდან გამომდინარე მოქმედებები? – რა უნდა გაეკეთებინათ, ამაზე იურუდიული ლოგიკა რაც არსებობს, შეუძლიათ, წარმოადგინონ“, – განაცხადა მდინარაძემ.

თაიმერი timer.ge
: თაიმერი timer.ge აპრილი 17, 2019 19:04

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


4,288
ვიზიტორი
დღეში
Powered By Google Analytics