არჩევნებში გამარჯვების შემთხვევაში, აფხაზეთის უმაღლესი საბჭოს დათხოვნას გეგმავს ლეიბორისტული პარტიის ლიდერი.
შალვა ნათელაშვილის თქმით, ის აფხაზეთში დაბრუნებას უმაღლესი საბჭოს დათხოვნით და ახალი არჩევნების ჩატარებით დაიწყებს. პარტიის ინიციატივას უერთდება აფხაზთა კრების ლიდერი.
„სანამ არსებობს თბილისში აფხაზეთის უმაღლესი საბჭო და შესაბამისი უსაქმური მთავრობა, მანამდე ჩვენ აფხაზეთში ვერ დავბრუნდებით. ჩვენ აფხაზეთში დაბრუნება უნდა დავიწყოთ აფხაზეთის უმაღლესი საბჭოს დათხოვნით და ახალი არჩევნების ჩატარებით,“ – განაცხადა შალვა ნათელაშვილმა.