„ლეიბორისტული პარტიის“ ლიდერი შალვა ნათელაშვილი ახალქალაქსა და ნინოწმინდაში ჩატარებული არჩევნების შედეგების გაყალბებაზე საუბრობს და ამ ორ რეგიონში არჩევნების ხელახლა ჩატარებას ითხოვს. შალვა ნათელაშვილის თქმით, „ევროპულ საქართველოსა“ და „პატრიოტთა ალიანსს“ შორის გარიგება შედგა, რაზეც მიღებული ხმების რაოდენობა მოწმობს.
ლეიბორისტული პარტია ცესკო-ს ამ თემით დაინტერესებისკენ მოუწოდებს.
„მე მოვუწოდებ ცენტრალურ საარჩევნო კომისიას, თუ შერჩენიათ ოდნავ მაინც პატრიოტიზმის ნატამალი, ადამიანობის ელემენტები, შეიკრიბონ და თვითონ გააუქმონ არჩევნების შედეგები“ – განაცხადა შალვა ნათელაშვილმა პარტიის ოფისში ჩატარებულ ბრიფინგზე.
