შაჰიდის რეაქტიული დრონების ჰაერშივე გასანადგურებლად უკრაინამ ახალი გადამჭერი დრონი შექმნა.
უსაფრთხოების სამსახურის სამხედრო კონტრდაზვერვამ ახალი იარაღი ფრონტზე უკვე წარმატებით გამოიყენა.
უკრაინის პრეზიდენტ ვოლოდიმირ ზელენსკის განცხადებით, ტექნოლოგიის ზუსტი დეტალები გასაიდუმლოებულია, თუმცა მთავარი ამოცანა ახლა წარმოების სასწრაფოდ გაზრდაა.
“უსაფრთხოების სამსახურის სამხედრო კონტრდაზვერვას რეაქტიულ შაჰიდებთან ბრძოლაში კარგი შედეგი აქვს. შექმნილია და უკვე წარმატებით გამოიყენება ახალი დრონი-გადამჭერი. ნაბიჯ-ნაბიჯ მივიწევთ წინ, რომ უკრაინა მეტად დავიცვათ. მადლობას ვუხდი ყველა დეველოპერსა და მწარმოებელს, რომლებიც ყოველდღიურად მუშაობენ ჩვენთვის აუცილებელი იარაღის შექმნაზე” -წერს ზელენსკი.
