აღმოსავლეთ უკრაინის ქალაქ სევეროდონეცკისთვის ბრძოლა გრძელდება. ამის შესახებ დღეს უკრაინის შეიარაღებული ძალების გენერალურმა შტაბმა განაცხადა.
„არტილერიის გამოყენებით რუსულმა ძალებმა განახორციელეს თავდასხმითი ოპერაციები ქალაქ სევიეროდონეცკის მიდამოებში“, – ნათქვამია გენშტაბის მიერ „ფეისბუქის“ საკუთარ გვერდზე გავრცელებულ ინფორმაციაში.
მასში ასევე აღნიშნულია, რომ ბელორუსის ტერიტორიიდან უკრაინის ინფრასტრუქტურულ ობიექტებზე სარაკეტო და საავიაციო დარტყმების განხორციელების საფრთხე კვლავ რჩება.
