სევდია უგრეხელიძე თბილისის საკრებულოში საქმიანობას, დამოუკიდებელი დეპუტატის სტატუსით გააგრძელებს. უგრეხელიძემ განცხადება, ცოტა ხნის წინ საკრებულოში გამართულ ბრიფინგზე გააკეთა.
გადაწყვეტილება უგრეხელიძემ მას შემდეგ მიიღო, რაც ენმ-დან წასული პოლიტიკური ლიდერები და ენმ-ის წევრები ცალ-ცალკე ფრაქციას ქმნიან.
ნაციონალური მოძრაობის წევრები და ყოფილი თანაგუნდელები ცალ-ცალკე ფრაქციების შექმნის განცხადებით საკრებულოს თავმჯდომარეს დღეს მიმართავენ.
შეიქმნება ნაციონალური მოძრაობა, რომელსაც ირაკლი ნადირაძე უხელმძღვანელებს და ფრაქცია თბილისი მამუკა ახვლედიანის ხელმძღვანელობით.
