კონფლიქტის ესკალაციის შემთხვევაში სომხეთი მთიანი ყარაბაღის დამოუკიდებლობას აღიარებს. ამის შესახებ, სომხეთის პრეზიდენტის ადმინისტრაციის ინფორმაციით, სერჟ სარგსიანმა ეუთო-ს ელჩებთან შეხვედრისას განაცხადა.
“ვიტყვი იმას, რაც აქამდე არასდროს მითქვამს, თუკი სამხედრო მოქმედებები გაგრძელდება და კიდევ უფრო ფართომასშტაბური გახდება, სომხეთი მთიანი ყარაბაღის დამოუკიდებლობას აღიარებს”, – განაცხადა სერჟ სარგსიანმა.
სომხეთის პრეზიდენტმა ასევე აღნიშნა, რომ საგარეო საქმეთა სამინისტროს მთიანი ყარაბაღის არაღიარებული რესპუბლიკის სამხედრო დახმარების შესახებ შეთანხმების მომზადება დაავალა.