ნაციონალურ მოძრაობაში პრეზიდენტის რეზიდენციიდან გამოსვლის საკითხთან დაკავშირებით არსებულ აჟიოტაჟს ბიძინა ივანიშვილს უკავშირებენ. როგორც ოპოზიციის წვერი სერგო რატიანი ამბობს, ყოფილ პრემიერს გიორგი მარგველაშვილის რუსთავი 2-თან დაკავშირებით გაკეთებული განცხადებები არ მოეწონა და ის „გაროზგვის რიტუალს“ ატარებს.
„მეჭიაურს არ აინტერესებს არც კანონი, არც ის რეგულაციები რომელიც არის დღეს საქართველოში. მას აინტერესებს ერთადერთი, რომ გააკეთოს მაამებლური განცხადებები ბიძინა ივანიშვილისთვის. გიორგი მარგველაშვილი აქტუალური გახდა რუსთავი 2-ის ფონზე, ცხადია რომ ბიძინა ივანიშვილს არ მოეწონა ის განცხადებები, რომელიც გააკეთა საქართველოს პრეზიდენტმა და შესაბამისად მან უნდა ჩაატაროს გაროზგვის რიტუალი. რუსთავი 2 თუ დაიხურა პრეზიდენტს კი არა ყველას მიადგებიან საქართველოში,“ – განაცხადა სერგო რატიანმა.