სერგო ჩიხლაძე: „სტრატეგია აღმაშენებლიდან“ პარლამენტში ინდივიდუალურად არავინ შედის

თაიმერი timer.ge
ავტ.: თაიმერი timer.ge იანვარი 4, 2021 13:01

სერგო ჩიხლაძე: „სტრატეგია აღმაშენებლიდან“ პარლამენტში ინდივიდუალურად არავინ შედის

გაურკვეველია, რატომ იწყებენ მაინცდამაინც „პატრიოტთა ალიანსიდან“, როდესაც მანდატების გაუქმებაზე განცხადება სხვა პარტიებმა უფრო ადრე ჩააბარეს, – ამის შესახებ „სტრატეგია აღმაშენებლის“ წევრმა, სერგო ჩიხლაძემ განაცხადა.

მისივე თქმით, ერთი და ორი დეპუტატის ინდივიდუალურად პარლამენტში შესვლით საკანონმდებლო ორგანო მრავალპარტიული ვერ გახდება.

„მაგრამ რეალურად ეს არაფერს ცვლის, თუნდაც „პატრიოტთა ალიანსის“ განცხადებაც ცნობილია, პარტიის პოზიცია ცნობილია. ერთი და ორი დეპუტატი ინდივიდუალურად თუ გადაწყვეტს შესვლას, ეს არ იქნება პარტიული შესვლა. ეს ვერ შესძენს მრავალპარტიულობას ამ პარლამენტს. ოპოზიციური გეგმები არ იცვლება. ეს რაღაცა მანიპულირება და პოლიტიკური ჟონგლიორობა შეუძლია, „ქართულ ოცნებას“ გააგრძელოს, მაგრამ დღის წესრიგი არ იცვლება. მოლაპარაკებები თუ შედგება, იგივე წინადადებით მივა ოპოზიცია“,- აღნიშნა ჩიხლაძემ.

როგორც ჩიხლაძე აცხადებს, „სტრატეგია აღმაშენებლიდან“ პარლამენტში ინდივიდუალურად არავინ შედის.

„სტრატეგია აღმაშენებლიდან“ არავინ ინდივიდუალურად არ შედის. პირველი, რომ სიები უკვე ჩახსნილია და ოთხივე დეპუტატმა დაწერა განცხადება. ეს გამორიცხულია.

როგორც ჩანს, „ქართული ოცნება“ არ არის განწყობილი კონსტრუქციულად, რომ მოლაპარაკებები გაგრძელდეს“,- განაცხადა სერგო ჩიხლაძემ.

საქართველოს პარლამენტი ოპოზიციური პარტიების წარმომადგენლებისთვის სადეპუტატო უფლებამოსილების შეწყვეტის საკითხზე მსჯელობას იწყებს.

თაიმერი timer.ge
ავტ.: თაიმერი timer.ge იანვარი 4, 2021 13:01