სერგო ჩიხლაძე – ხელისუფლებისგან ჯერ მესამე რაუნდზე პასუხი არ გვაქვს

region
ავტ.: region დეკემბერი 6, 2020 11:41

სერგო ჩიხლაძე – ხელისუფლებისგან ჯერ მესამე რაუნდზე პასუხი არ გვაქვს

„სტრატეგია აღმაშენებლის“ ერთ-ერთი წევრის, სერგო ჩიხლაძის განცხადებით, ხელისუფლებისგან საპასუხო წინადადებების პაკეტს ელოდებიან. მისივე თქმით, მოლაპარაკების მესამე რაუნდი დამოკიდებულია სწორედ ხელისუფლების მიერ წარსადგენი წინადადებების შინაარსზე.

„ხელისუფლებისგან ჯერ მესამე რაუნდზე პასუხი არ გვაქვს. უახლოეს დღეებში, დღესაც ველოდებით ხელისუფლებისგან საპასუხო წინადადებების პაკეტს. როგორც კი მივიღებთ ამ პაკეტს, განვიხილავთ, შევიკრიბებით ოპიზიცია და აქედან გამომდინარე დავგეგმავთ ჩვენ შემდეგ ნაბიჯებს. გამოჩნდება, აქვს თუ არა აზრი მესამე რაუნდს, იქიდან გამომდინარე, რა წინადადებებით დაგვიბრუნდება ხელისუფლება. ფასილიტატორები არ დაგვკავშირებიან. მათ გვთხოვეს ორი სამი დღე. დღეს გადის ეს 2-3 დღე და იმედი გვაქვს, ფასილიტატორები დაგვიკავშირდებიან ან ხელისუფლების მხრიდან მივიღებთ წინადადებას, აქედან გამომდინარე დავგეგმავთ შემდეგ ნაბიჯებს.

ჩვენ იმიტომ დავაჩქარეთ ეს პროცესი, რომ გვინდა, რაც შეიძლება მალე მოხდეს მოლაპარაკება და მესამე რაუნდის ჩანიშვნაც. ყველაფერი დამოკიდებულია იმაზე, რა წინადადებით მოვა ხელისუფლება. შეიძლება ეს იყოს წინადადება, რომელსაც ჩვენ ამ მომენტში ვერ დავთანხმდებით და საჭირო გახდეს კვლავ შემხვედრი მოთხოვნების დაყენება“, – განაცხადა სერგო ჩიხლაძემ.

region
ავტ.: region დეკემბერი 6, 2020 11:41

Google სტატისტიკა


5,154
ვიზიტორი
დღეში
Powered By Google Analytics