სერგეი ლავროვი – რუსეთს მეზობელი ქვეყნების არავითარი დაპყრობის გეგმა არ აქვს, არც ჰქონია და არც შეიძლება, ჰქონდეს

სერგეი ლავროვის მორიგი მუქარა

რუსეთს მეზობელი ქვეყნების არავითარი დაპყრობის გეგმა არ აქვს, არც ჰქონია და არც შეიძლება ჰქონდეს, – ამის შესახებ რუსეთის საგარეო საქმეთა მინისტრმა, სერგეი ლავროვმა პრიმაკოვის საერთაშორისო ფორუმზე სიტყვით გამოსვლისას განაცხადა.

ლავროვის თქმით, რუსეთს მეზობლების მიმართ აგრესიული გეგმები არ აქვს და ამის შესახებ დასავლეთში განცხადებები სიმართლეს არ შეესაბამება.

რუსეთის საგარეო უწყების ხელმძღვანელმა გაიხსენა, რომ პენტაგონის ხელმძღვანელმა, ლოიდ ოსტინმა პირადად არაერთხელ განაცხადა, რომ თუ შეერთებული შტატები უკრაინას არ დაუჭერს მხარს, რუსეთი გაიმარჯვებს და თავს დაესხმება მეზობელ ქვეყნებს.

სერგეი ლავროვმა ყურადღება გაამახვილა ეუთო-ს როლზეც და თქვა, რომ შესაძლებელია მცდელობა ეუთო-ს, როგორც დიალოგის პლატფორმის გადასარჩენად, მაგრამ შანსი მცირეა.

ლავროვის განცხადებით, საერთაშორისო ასპარეზზე არსებულ ვითარებას მეორე ცივი ომი არ უნდა ეწოდოს, რადგან ფუნდამენტური განსხვავება იყო კოლექტიური დასავლეთის ქვეყნების სურვილი, გაენადგურებინათ საერთაშორისო კოლექტიური უსაფრთხოების სისტემა და გამოეყენებინათ უკრაინა რუსეთთან ღია კონფრონტაციისთვის.

banner
წინა სტატიაშიილონ მასკი ისრაელში ჩავიდა
შემდეგი სტატიაძლიერმა შტორმმა ფოთში სანაპირო ზოლი და ინფრასტრუქტურა დააზიანა