ხვალ გახდება ცნობილი თუ ვინ დაიკავებს საზოგადოებრივი მაუწყებლის გენერალური დირექტორის თანამდებობას. სამეურვეო საბჭოს შეხვედრები კანდიდატებთან დღეს გაიმართა. კენჭისყრა ხვალ 12:00 საათზეა ჩანიშნული.
კონკურისი მეორე ტურში 5 კანდიდატი მონაწილეობს, ესენი არიან – ვასილ მაღლაფერიძე, ნინო ზაუტაშვილი, ზაალ ანჯაფარიძე, ნათია კუპრაშვილი და თინათინ ბერძენიშვილი.
საზოგადოებრივი მაუწყებლის გენერალურ დირექტორად არჩეული იქნება ის კანდიდატი, რომელიც სამეურვეო საბჭოს წევრთა მინიმუმ ხუთ ხმას მიიღებს.
