საზოგადოება ხედავს, რა არის ჩვენი პოლიტიკის შინაარსი, – ამის შესახებ „ქართული ოცნების“ თავმჯდომარემ, ირაკლი კობახიძემ განაცხადა.
კობახიძეს კითხვა დაუსვეს ბელარუსის პრეზიდენტის განცხადებაზე, რომლის მიხედვითაც, ალექსანდრ ლუკაშენკომ თქვა: „ვხედავთ საქართველოს პოლიტიკაში გარკვეულ ცვლილებს, მობეზრდათ დასავლური დაპირებები და სურთ ჩვენს ბაზარზე დაბრუნება“.
კობახიძის თქმით, საქართველოსთვის ასევე მნიშვნელოვანია სავაჭრო-ეკონომიკური ურთიერთობები.
„რაც შეეხება საგარეო პოლიტიკურ პრიორიტეტებს, ეს არის ნათელი და არის გაცხადებული. რაც შეეხება სავაჭრო-ეკონომიკურ ურთიერთობებს, ჩვენთვის ესეც არის მნიშვნელოვანი. ეს არის ჩვენი პოზიცია. ამას ხედავს საზოგადოება. სხვა თემებზე კომენტარს ვერ გავაკეთებ“, – განაცხადა კობახიძემ.
