საზოგადოება დაარწმუნონ,რომ ისინი საუკეთესო კანდიდატები იყვნენ-ხიდაშელი თავდაცვის უწყებაში დეპუტატთა მეუღლეების დასაქმებას ეხმაურება

ქეთი ფერაძე
ავტ.: ქეთი ფერაძე აპრილი 29, 2017 15:27

საზოგადოება დაარწმუნონ,რომ ისინი საუკეთესო კანდიდატები იყვნენ-ხიდაშელი თავდაცვის უწყებაში დეპუტატთა მეუღლეების დასაქმებას ეხმაურება

იმედი მაქვს, რომ ეს ხალხი კონკურსის წესით არიან აყვანილი და არა ისე, როგორც ბოლო დროს გვესმის ხოლმე​- ამ განცხადებით, თავდაცვის ყოფილი მინისტრი თინა ხიდაშელი, თავდაცვის სამინისტროში “ქართული ოცნების” დეპუტატების მეუღლეების დასაქმების ფაქტს გამოეხმაურა. ხიდაშელი ამბობს, რომ ვინმეს ოჯახის წევრობა არ შეიძლება იყოს კომპრომატი ან დასაქმებისთვის მუდმივი წინააღმდეგობა, თუმცა მისივე თქმით, მაღალი თანამდებობის პირის ოჯახის წევრების დასაქმებისას, ნებისმიერ საჯარო უწყებას, ვინც ასეთ დასაქმებას ახდენს, განსაკუთრებული პასუხისმგებლობით მოეთხოვება გამჭვირვალობა და გახსნილობა.

“იმედი მაქვს, რომ ეს ხალხი კონკურსის წესით არიან აყვანილი და არა ისე, როგორც ბოლო დროს გვესმის ხოლმე. გაასაჯაროონ და საზოგადოება დაარწმუნონ, რომ ისინი საუკეთესო კანდიდატები იყვნენ და მე პირველი ვიქნები, ვინც მიესალმება. მე მინდა, რაც შეიძლება ბევრი პროფესიონალი თავდაცვაში, ქვეყნის უსაფრთხოების სამსახურში და ეს ხალხი თუ ასეთები არიან, მარტო იმიტომ, რომ ისინი დეპუტატების მეუღლეები არიან, არ უნდა დაიჩაგრონ, ბუნებრივია”, – განაცხადა თინა ხიდაშელმა.

ქეთი ფერაძე
ავტ.: ქეთი ფერაძე აპრილი 29, 2017 15:27

Google სტატისტიკა


4,128
ვიზიტორი
დღეში
Powered By Google Analytics