უმაღლესი რადას დეპუტატმა ნადეჟდა სავჩენკომ სამხედრო ტყეევის გაცვლის მოლაპარაკებებში ჩართვა შესთავაზა უკრაინის პრეზიდენტის მეუღლეს მარინა პოროშენკოს -წერს უკრაინული მედია.
“შევთავაზე, რომ პირველმა ლედიმ (მარინა პოროშენკო-რედ) და ოკსანა მარჩენკომ (საზოგადოებრივი მოძრაობა “უკრაინის არჩევანის” ლიდერის მეუღლე) მონაწილეობა მიიღონ ამ მოლაპარაკებებში, რადგანაც, ვხედავთ, რომ კაცებს არ შეუძლიათ შეთანხმება” -განაცხადა სავჩენკომ.მისივე თქმით სამხედრო ტყეების გაცვლის პროცესის შემაფერხებელი უკრაინის ხელისუფლებაა.
წუხელ ნადეჟდა სავჩენკომ სამხედრო ტყვეების დედებთან და ნათესავებთან ერთად ღამე უკრაინის პრეზიდენტის ადმინისტრაციასთან გაათენა.
სავჩენკო 2 აგვისტოდან, სამხედრო ტყვეების განთავისუფლების მოთხოვნით შიმშილობს.