უკრაინის უმაღლესი რადას დეპუტატმა, ნადეჟდა სავჩენკომ განაცხადა, რომ დონბასში მიმდინარე ომი, შესაძლებელია, მიმდინარე წელს დასრულდეს – ამის შესახებ მან “ფეისბუქის” საკუთარ გვერდზე დაწერა.
მან აღნიშნა, რომ მონაწილეობა მიიღო უკრაინა-ნატოს კომისიის მუშაობაში, რომლის შემდეგადაც მას “მსოფლიო პოლიტიკოსების სიტყვებიდან” ასეთი შთაბეჭდილება დარჩა.
“დავიჯეროთ და ვიმოქმედოთ” – განაცხადა დეპუტატმა.
ადრე ნადეჟდა სავჩენკომ თქვა, რომ დონბასთან დაკავშირებით საკონსტიტუციო ცვლილებები 6 თვეშია შესაძლებელი.
