საუდის არაბეთის სამეფო ოჯახიდან ბევრს არ სურს მემკვიდრე პრინცი მუჰამედ ბინ სალმან ალ-საუდი მეფე გახდეს – ამის შესახებ სააგენტო Reuters-ი სამეფო წყაროებზე დაყრდნობით ავრცელებს. გვარის ათობით პრინცი მემკვიდრეობის პრინციპების შეცვლას აპირებს, მაგრამ არაფერს შეცვლიან მანამდე, სანამ მეფე, 82 წლის სალმან ბინ აბდულ-აზიზი ცოცხალია. მისი გარდაცვალების შემდეგ მემკვიდრედ მისი შვილის მაგივრად, მისი მკვიდრი ძმის, აჰმედ ბინ აბდულ-აზიზის ნახვა სურთ. აჰმედის მომხრეები დარწუმებული არიან, რომ ის არც ერთ სოციალურ და ეკონომიკურ რეფორმას არ შეაჩერებს, ალ-საუდის დინასტიას ერთობას დაუბრუნებს და პატივს სცემს საერთაშორისო შეთანხმებებს.
33 წლის მეფის შვილს 76 წლის პრინცს არჩევენ არა მხოლოდ ოჯახის წევრები, არამედ, სამეფო უსაფრთხოების აპარატის თანამშრომლები და დასავლეთიც. სააგენტოს ერთ-ერთი წყაროს ინფორმაციით, აჰმედის კანდიდატურას მხარს დაუჭერს აშშ.
2 ოქტომბერს თურქეთში, საუდის არაბეთის საკონსულოში საუდელი ჟურნალისტი ჯამალ ხაშოგი მოკლეს. ამერიკის სპეცსამსახურებისა და ოფიციალური თურქეთის მტკიცებით, მკვლელობის უკან მემკვიდრე პრინცი დგას.