საუდის არაბეთი დეკემბრიდან ნავთობის მოპოვების შემცირებას აპირებს – ქვეყნის ენერგეტიკის მინისტრმა ჰალენ ბენ აბდელ აზიზ ალ-ფალეხმა ორშაბათს, 12 ნოემბერს განაცხადა აბუ-დაბიში გამართულ კონფერენციაზე. მინისტრის თქმით, “ტექნიკურმა ანალიზმა” აჩვენა, რომ საჭიროა ნავთობის მოპოვების ნახევარ მილიონ ბარელამდე შემცირება დღიურად იმისათვის, რომ ბაზრის სტაბილიზაცია მოხდეს – “დოიჩე ველე” წერს. მანამდე ოპეკისა და გაერთიანებაში არ მყოფმა ქვეყნებმა კონფერენციის ფარგლებში შეხვედრა გამართეს, სადაც განაცხადეს, რომ აუცილებელია ნავთობის მოპოვების “ახალი სტრატეგიების” შემუშავება, რადგანაც მიმდინარე მომენტში წარმოება მოთხოვანზე მაღალია.
ალ-ფალეხმა თქვა, რომ ნავთობის დიდი მარაგი არსებობს და რომ არ დაუშვებენ ნავთობის ფასის ვარდნას, რაც უკანასკნელი ერთი თვის მანძილზე ინტენსიურად მიმდინარეობს.
