საწვავის დეფიციტის გამო რუსეთში მაღაზიებს რძის პროდუქცია შეფერხებით მიეწოდება.
ამის შესახებ ინფორმაციას Forbes ასოციაცია “სახალხო ფერმერის” მიერ საცალო მოვაჭრეებისთვის გაგზავნილ წერილზე დაყრდნობით ავრცელებს.
წერილში წერია: „სოფლის მეურნეობის მწარმოებლები, ფაქტობრივად, იმ გარემოებების მძევლები აღმოჩნდნენ, რომლებიც შეუძლებელს ხდის მიწოდების ვადებთან დაკავშირებული სახელშეკრულებო ვალდებულებების სათანადოდ შესრულებას”.
ორგანიზაციის ცნობით, მწარმოებლები შეფერხებებს უკვე განიცდიან უდმურტიის, ვოლგოგრადისა და ასტრახანის ოლქებში, რის გამოც ისინი სავაჭრო ქსელებს სთხოვენ, დაგვიანებისთვის საჯარიმო სანქციები და პასუხისმგებლობის სხვა ზომები არ დააკისრონ.
