ფინანსთა მინისტრ ნოდარ ხადურის განცხადებით, იმპორტიორზე, რომელიც ძირითად საშუალებებს იყენებს, დამატებული ღირებულების გადასახადით დასაბეგრ ოპერაციებში, შეღავათები დაწესდება.
როგორც ნოდარ ხადურმა აღნიშნა, ასეთი იმპორტიორი, ძირითადი საშუალების იმპორტისას, დღგ-ს აღარ გადაიხდის.
“ჩვენ ძალიან საინტერესო წინადადება გვაქვს საქართველოს პარლამენტისათვის, რათა ხელი შევუწყოთ ბიზნესის განვითრებას, ეკონომიკურ ზრდას და ინვესტიციებს. საუბარი შეეხება იმას, რომ თუკი საწარმოს შემოაქვს მანქანა-დანადგარები, ის საზღვარზე აღარ გადაიხდის დღგ-ს ამ მანქანა დანადგარებზე. ასევე არა თუ საზღვარზე, საერთოდ აღარ გადაიხდის მას და ჩაეთვლება მომავალ გადახდებში“, – აღნიშნა ხადურმა.
