სასულიერო პირებმა და მრევლმა წითელ ხიდთან აქცია „გარეჯი საქართველოა“ გამართეს

სასულიერო პირებმა მრევლთან ერთად წითელ ხიდთან ცენტრალური მაგისტრალი გადაკეტეს, სადაც ყოველდღიურად სატვირთო მანქანები გადაადგილდებიან. რამდენიმე წუთის განმავლობაში საავტომობილო მოძრაობა შეფერხებული იყო. მეუფის განმარტებით, მათ ამით მცირედი დისკომფორტი შექმნეს, რათა მისი თქმით, ყველასთვის ხმა მიეწვდინათ, რომ საქართველოს სიწმინდეები ხელშეუხებელია.

„გადავწყვიტე, მრევლთან ერთად შევკრებილიყავით წითელ ხიდთან და ჩვენი პიზიცია გარეჯთან ერთად მტკიცედ და მკაფიოდ დაგვეფიქსირებინა. გარეჯი არის საქართველო და ჩვენი სიწმინდეები არ უნდა იყოს ხელყოფილი. პროტესტის უკიდურესი ფორმა გამოვთქვით, მაგისტრალი გადავკეტეთ და ეს არის გამაფრთხილებელი აქცია. თუ არის კეთილმეზობლობა, მეგობრობა, ეს უნდა იყოს დამყარებული სამართლიანობაზე. ეს გულისხმობს, რომ ერთმანეთის საზღვრებს პატივი ვცეთ. აზერბაიჯანის მხარემ უნდა იცოდეს, რომ ჩვენს სიწმინდეებსა და საზღვრებს თუ საფრთხე შეექმნება, არც მათ დაადგებათ კარგი დღე. იმას ვგულiსხმობ, რომ ჩვენზე გადის მათი გზები. ეს უნდა გაითვალისწინონ. კეთილმეზობლური პრინციპებით უნდა გადაწყდეს“, – განაცხადა მეუფე გიორგიმ.

რამდენიმე წუთის შემდეგ მეუფის ნებართვით საავტომობილო გზა გაიხსნა. ადგილზე მობილიზებული იყო საპატრულო პოლიცია.

banner
წინა სტატიაში“ლეიბორისტული” პარტიის წევრებმა ივანიშვილის რეზიდენციასთან სერგო ორჯონიკიძის ფოტო მიიტანეს
შემდეგი სტატიასაქართველოს პრეზიდენტმა გულნარა ჩაფიძე და ნოდარ ნათაძე საზოგადოებრივ ცხოვრებაში შეტანილი განსაკუთრებული წვლილისათვის დააჯილდოვა