აჭარის ავტონომიური რესპუბლიკის უმაღლესი საბჭოს განათლების, მეცნიერების, კულტურისა და სპორტის საკითხთა კომისიის თავმჯდომარე ვლადიმერ მგალობლიშვილი, საქართველოს პარლამენტის წევრებთან – ფატი ხალვაშთან, ნუკრი ბეჟანიძესთან და რეგიონის ხელისუფლების წარმომადგენლებთან ერთად, სასტუმრო „ლეოგრანდში“ დაღუპულთა ხსოვნისადმი მიძღვნილ სპორტულ და კულტურულ ღონისძიებებს დაესწრო.
როგორც „თაიმერს“ აჭარის უმაღლესი საბჭოს პრესსამსახურიდან აცნობეს, ინიციატივა საქართველოს პარლამენტში ბათუმის 70-ე საარჩევნო ოლქის მაჟორიტარ დეპუტატსა და სპორტსმენ მუხრან ვახტანგაძეს ეკუთვნის და მის ამ წამოწყებას, ხელოვანებიც შეუერთდნენ.
რაგბიში, მკლავჭიდსა და ქუჩის ხელბურთში გამართული შეჯიბრებების შემდეგ, ღონისძიებების მონაწილეები ბათუმის მუსიკალურ ცენტრში შეიკრიბნენ, სადაც ტრაგედიისას დაღუპული 11 ახალგაზრდის ხსოვნისადმი მიძღვნილი კონცერტი და სპორტულ შეჯიბრებებში გამარჯვებულთა დაჯილდოების ცერემონია გაიმართა.
სპორტული და კულტურული ღონისძიებები ამიერიდან ყოველწლიურად გაიმართება.