ბათუმში სასტუმრო და სამორინე “ლეოგრანდს” სახელს შეუცვლიან. გადაწყვეტილება სასტუმროს მეპატრონემ ხანძრის შედეგად დაღუპულთა ოჯახების და იურისტების შეხვედრის შემდეგ მიიღო.
“სასტუმროს მეპატრონემ ოჯახების პოზიციის გათვალისწინებით მიიღო გადაწყვეტილება, რომ სასტუმროს შეეცვალოს სახელი – აღარ ერქვას “ლეოგრანდი”. სახელი, წარწერა ძალიან მძიმეა ოჯახებისთვის და საზოგადოებისთვის. სასტუმრო და სამორინე “ლეოგრანდის” სახელით ფუნქციონირებას წყვეტს”, – განმარტა იურისტმა კახა წერეთელმა.