სასწრაფოს ეკიპაჟის წევრზე ფიზიკური ანგარიშსწორების საქმეზე შს სამინისტრომ გამოძიება დაიწყო

სოციალურ ქსელში გავრცელებულ ვიდეომასალაზე, სადაც თბილისის სასწრაფო სამედიცინო დახმარების ცენტრის ბრიგადის ერთ-ერთ წევრზე ფიზიკური ანგარიშსწორებაა ასახული, შს სამინისტრომ გამოძიება დაიწყო.

როგორც ჟურნალისტებს შს სამინისტროში განუცხადეს, გამოძიება სსკ-ის 151-ე მუხლით მიმდინარეობს, რაც მუქარას გულისხმობს. აღნიშნულ ინციდენტს თბილისის სასწრაფო სამედიცინო დახმარების ცენტრი საგანგებო განცხადებით ეხმაურება.

ცენტრის მიერ გავრცელებულ განცხადებაში აღნიშნულია, რომ გუშინ სოციალურ ქსელში გავრცელდა სამოყვარულო ვიდეო, სადაც ასახულია თბილისის სასწრაფო სამედიცინო დახმარების ცენტრის ბრიგადის ერთ-ერთ წევრზე ფიზიკური ანგარიშსწორების კადრები. აღნიშნული ფაქტი მიმდინარე წლის 14 სექტემბერს მოხდა. თბილისის სასწრაფო სამედიცინო დახმარების ცენტრი აცხადებს, რომ ამჟამად შინაგან საქმეთა სამინისტროში მიმდინარეობს გამოძიება, რომლის შედეგებს საზოგადოებას დასრულებისთანავე აცნობებს.

banner
წინა სტატიაშიჩვენს ქვეყანას არ სჭირდება არც ზეპრეზიდენტი და არც ყოვლისშემძლე პრეზიდენტი-სალომე ზურაბიშვილი
შემდეგი სტატიამორიგი სკანდალური ჩანაწერები – “ოცნება” თამბაქოს მწარმოებლებს თითოეული გაყიდული კოლოფიდან 2.5 თეთრს სთხოვდა