მთავრობის დადგენილებით, სასმლისა და წყლის პლასტმასის ბოთლებით რეალიზაციის აკრძალვა 4 წლით გადავადდა.
როგორც დოკუმენტში ვკითხულობთ, რეგულაციის ამოქმედების ვადად 2031 წლის 1-ლი თებერვალი განისაზღვრა.
შეგახსენებთ, რომ 3-ლიტრამდე სასმელი წყლისა და 20-ლიტრამდე ალკოჰოლური, არაალკოჰოლური და გამაგრილებელი სასმელების პლასტმასის ბოთლებში წარმოება, იმპორტი და რეალიზაცია (გარდა ექსპორტისა), 2027 წლის 1-ელი თებერვლიდან უნდა აკრძალულიყო. თუმცა, მთავრობის ამ გადაწყვეტილებას, ბიზნესის მხრიდან კრიტიკა და რამდენიმე შეხვედრა მოჰყვა.
მოგვიანებით, პრემიერ მინისტრმა ირაკლი კობახიძემ განაცხადა, რომ ბიზნესთან კონსულტაციების შედეგად, მთავრობამ რეგულაციის გადადების გადაწყვეტილება მიიღო.
თუმცა ამავდროულად, უნდა გავითვალისწინოთ ამ პროცესთან დაკავშირებული გვერდითი ფაქტორები, მათ შორის ბიზნესის სუბიექტური ინტერესები, ასევე, კონკრეტული რეგულაციების შესაძლო გავლენა სამომხმარებლო ფასებზე.
ბიზნეს სექტორთან გვქონდა აქტიური კონსულტაციები. მადლობა ამისთვის გარემოს დაცვისა და სოფლის მეურნეობის მინისტრს. ამ კონსულტაციების შემდეგ, მივიღეთ გადაწყვეტილება პლასტმასის ბოთლებში სასმლის წარმოების იმპორტისა და ბაზარზე განთავსების რეგულაციის ამოქმედება გადავავადოთ 4 წლით, 2031 წლის პირველ თებერვლამდე“,– განაცხადა კობახიძემ.
