სასჯელაღსრულებისა და პრობაციის სამინისტრო მსჯავრდებულ ოთარ ვარამაშვილის დის განცხადებას სიცრუეს უწოდებს

news
ავტ.: news სექტემბერი 1, 2016 20:11

სასჯელაღსრულებისა და პრობაციის სამინისტრო მსჯავრდებულ ოთარ ვარამაშვილის დის განცხადებას სიცრუეს უწოდებს

სასჯელაღსრულებისა და პრობაციის სამინისტრო სიცრუეს უწოდებს მსჯავრდებულ ოთარ ვარამაშვილის დის განცხადებას იმის თაობაზე, თითქოს, ოჯახს ბოლო ორი თვის განმავლობაში მსჯავრდებულთან კონტაქტისა და მისი ნახვის საშუალება არ ჰქონდა. ოთარ ვარამაშვილს ხანმოკლე პაემანი ბოლოს ჰქონდა დედასთან მიმდინარე წლის 12 აგვისტოს.

რაც შეეხება სატელეფონო საუბარს, სამინისტრომ თავის განცხადებაში ერთხელ უკვე აღნიშნა, რომ ვარამაშვილი სასჯელის მოხდის პერიოდში ხშირად არღვევდა სარეჟიმო მოთხოვნებს. დადგენილი მოთხოვნების დარღვევის შემთხვევაში კი, პატიმრის მიმართ შესაძლებელია გამოყენებულ იქნას სხვადასხვა დისციპლინური სახდელი, მათ შორის სატელეფონო საუბრის უფლების შეზღუდვა არაუმეტეს 3 თვის ვადით. ბრალდებულს/მსჯავრდებულს უფლება აქვს დისციპლინური ღონისძიების გამოყენების შესახებ განკარგულება გაასაჩივროს სასამართლოში. სწორედ აღნიშნული უფლება გამოიყენა მსჯავრდებულმა ოთარ ვარამაშვილმა და 2016 წლის 31 აგვისტოს პატიმარი გაყვანილ იქნა რუსთავის საქალაქო სასამართლოში.

news
ავტ.: news სექტემბერი 1, 2016 20:11

Google სტატისტიკა


3,427
ვიზიტორი
დღეში
Powered By Google Analytics