სასამართლომ სოფელ საყულიაში დაკავებულ ირაკლი მუკბანიანს პატიმრობა შეუფარდა

ქუთაისის საქალაქო სასამართლომ ჯგუფური ძალადობის ორგანიზებისა და მასში მონაწილეობის ბრალდებით დაკავებული პირები პატიმრობაში დატოვა

ქუთაისის საქალაქო სასამართლომ სოფელ საყულიაში დაკავებულ ირაკლი მუკბანიანს აღკვეთის ღონისძიების სახით პატიმრობა შეუფარდა. მოსამართლემ ბრალდების მხარის შუამდგომლობა დააკმაყოფილა.

მუკბანიანის ადვოკატებმა სასამართლოს წინაშე დააყენეს შუამდგომლობა, რომ მოსამართლეს ირაკლი მუკბანიანისთვის აღკვეთის ღონისძიების არც ერთი სახე არ შეეფარდებინა, ალტერნატივის სახით კი 10 000 ლარის ოდენობის გირაო მოითხოვეს.

სასამართლოს შენობასთან მუკბანიანის ოჯახის წევრები და ახლობლები იყვნენ შეკრებილები.

ირაკლი მუკბანიანი პოლიციამ გუშინ დააკავა. შსს-ს ინფორმაციით, ის 29 მაისს, გუმათში, „ნამახვანჰესის“ საწინააღმდეგო აქციაზე პოლიციელს თავს დაესხა და ფიზიკური შეურაცხყოფა მიაყენა.

გამოძიება სსკ-ის 353-ე პრიმა მუხლის პირველი ნაწილით მიმდინარეობს.

რეკლამის ბანერი
წინა სტატიაშიჩეხეთის სენატს ქვეყნის პრეზიდენტის გადაყენება სურს
შემდეგი სტატიაგერმანიამ რუსული ავიაკომპანიებისთვის საკუთარი საჰაერო სივრცე დაკეტა