სასამართლოს გადაწყვეტილებით, პოლიციის ყოფილი მაღალჩინოსნის, იოსებ სიგუას მიმართ გამოწერილი შემაკავებელი ორდერი ძალაში დარჩა. ამასთან, მის მიმართ დაწესებულია ელექტრონული ზედამხედველობაც (სამაჯური).
სოფია სიგუას ადვოკატის, თამარ ლუკავას განცხადებით, ძალადობის ფაქტებს თბილისის პროკურატურის მიერ ჩატარებული არაერთი საგამოძიებო მოქმედება და დაწყებული სისხლის სამართლის საქმე ადასტურებს. მისი თქმით, ორდერისა და ელექტრონული ზედამხედველობის ძალაში დატოვება ადასტურებს იმ რეალურ საფრთხესა და რისკებს, რაც მსხვერპლის სიცოცხლესა და ჯანმრთელობას ემუქრებოდა.
იოსებ სიგუას ინტერესების დამცველი მხარე კი სასამართლოს აღნიშნული გადაწყვეტილების გასაჩივრებას გეგმავს.
