სასამართლომ გლდანის ციხის ყოფილი პატიმარი გიორგი ახობაძე 3 000 ლარით დააჯარიმა. სამართალდამცავი უწყება მას საზოგადოებრივი წესრიგისა და სიმშვიდის დარღვევას ედავებოდა, რაც სოციალურ ქსელში ვატო შაქარიშვილის მისამართით დაწერილ შეურაცხმყოფელ კომენტარს უკავშირდებოდა.
საქმე ეხება ახობაძის მიერ ორგანიზაცია „ერთიანი ნეიტრალური საქართველოს“ ფეისბუკ-გვერდზე დატოვებულ კომენტარს. აღნიშნულ პოსტში ვატო შაქარიშვილი ევროკავშირში საქართველოს გაწევრიანების უარყოფით მხარეებზე საუბრობდა, რაზეც ახობაძემ რუსეთის მისამართით შეურაცხმყოფელი რეპლიკა დაწერა.
