„კოალიცია ცვლილებისთვის“ ერთ-ერთი ლიდერი, ნიკა მელია სასამართლოს უპატივცემულობის გამო დამნაშავედ ცნეს. მოსამართლე ნინო ელიეშვილის გადაწყვეტილებით, მას 1 წლითა და 6 თვით თავისუფლების აღკვეთა მიესაჯა.
ახალმა სასჯელმა წინა განაჩენი შთანთქა, შესაბამისად, მელიას საპატიმროში ყოფნის ვადა არ გაზრდილა და ის ციხეს კვლავ 2026 წლის დეკემბერში დატოვებს.
საქმე ეხებოდა ადმინისტრაციულ საქმეთა კოლეგიის მოსამართლის, თორნიკე ქოჩქიანის მიმართ სიტყვიერი შეურაცხყოფის მიყენებას. გამოძიება სისხლის სამართლის კოდექსის 366-ე მუხლის მე-2 ნაწილით მიმდინარეობდა (მოსამართლის შეურაცხყოფა), რაც 2 წლამდე ვადით პატიმრობას ითვალისწინებს.
