ოზურგეთის რაიონულმა სასამართლომ ნასაკირალში 62 წლის ქალის მკვლელობის ფაქტზე დაკავებულ გოგიტა ელიაძეს აღკვეთის ღონისძიების სახით პატიმრობა შეუფარდა.
გადაწყვეტილება მოსამართლე თამთა საჯაიამ გამოიტანა.
პროკურორების განცხადებით, ბრალდებული მოკლულს ჯერ კიდევ 2025 წლის აგვისტოში დაემუქრა, რა დროსაც ელიაძე ზოიძეს სიცოცხლის მოსპობითაც დაემუქრა. მათივე თქმით, შემთხვევის დღეს ბრალდებული ალკოჰოლური თრობის ზემოქმედების ქვეშ იყო, მან უკანონოდ შეაღწია დაზარალებულის საცხოვრებელ სახლში და 62 წლის ქალს 60 ჭრილობა მიაყენა.
