“ბარსელონას” ფეხბურთელს, ლიონელ მესს სასამართლომ 21 თვით თავისუფლების აღკვეთა მიუსაჯა გადასახადების გადაუხდელობის გამო. ამასთანავე, სასამართლომ მესის მამასაც მიუსაჯა, რომელიც იმავე საქმის ფიგურანტი იყო. გარდა ამისა, ფეხბურთელმა დაახლოებით 2 მილიონი ევრო ჯარიმა უნდა გადაიხადოს, მამამისმა კი – 1,5 მილიონი ევრო.
ორივე მსჯავრდებული გადასახადებისაგან თავის არიდების სამი პუნქტით აღიარეს დამნაშავედ. ამასთანავე, მესი, ამ მამამისი სავარაუდოდ, ციხეში არ მოხვდებიან, რადგანაც, ესპანური კანონების მიხედვით, 2 წლამდე თავისუფლების აღკვეთა პირობითი სასჯელით იცვლება – “ბიბისი” წერს.
მესს და მის მამას უფლება აქვთ სასამართლოს გადაწყვეტილება გაასაჩივრონ.