თბილისის საქალაქო სასამართლომ 20-21 ივნისის საქმეზე დაკავებული ირაკლი ოქრუაშვილი კვლავ პატიმრობაში დატოვა.
პროცესი დისტანციურ რეჟიმში მიმდინარეობდა. თავად ბრალდებული სპეციალური პროგრამის მეშვეობით ესწრებოდა სხდომას.
ირაკლი ოქრუაშვილის ადვოკაის, მამუკა ჭაბაშვილის განცახდებით , მან აღკვეთის ღონისძიების გაუქმების შუამდგომლობა დააყენა, რაც მოსამართლემ არ დააკმაყოფილა.
გამოძიება ირაკლი ოქრუაშვილს 20-21 ივნისის მოვლენებთან დაკავშირებით სისხლის სამართლის კოდექსის 225-ე მუხლით გათვალისწინებულ დანაშაულს ედავება, რაც მასობრივი ძალადობის ორგანიზებას, ხელმძღვანელობას ან მონაწილეობას გულისხმობს. ირაკლი ოქრუაშვილს სასამართლომ აღკვეთის ღონისძიებად პატიმრობა 27 ივლისს შეუფარდა.
