სარვამარტოდ აფხაზეთიდან სოჭში რეკორდული რაოდენობის, 96 ტონა მიმოზა შეიტანეს, სოჭიდან კი სავაჭრო ორგანიზაციებმა ყვავილები წაიღეს პეტერბურგსა და მოსკოვში. წინა წელთან შედარებით წელს სამჯერ მეტი ყვავილი გავიდა აფხაზეთიდან – წერს აფხაზური მედია.
რუსეთის სოფლის მეურნეობის ზედამხედველობის სამსახური 12 მარტიდან აფხაზეთიდან რუსეთში ყველა სახის ხილ-ბოსტნეულის გატანას აკრძალავს აზიური ფაროსანას რუსეთის ტერიტორიაზე მოხვედრის პრევენციის გამო. “ხელბარგის საკარანტინო ფიტოსანიტარული კონტროლისას აღმოჩენილ იქნა ფაროსანა (Halyomorpha halya Stal.), რომელიც ევრაზიის ეკონომიკურ ზონაში საკარანტინო ობიექტების ჩამონათვალშია” – რუსული უწყება ავრცელებს.
ფაროსანა აღმოჩენილია ნოვოსიბირსკსა და სოჭში.