ნიუ-იორკში მდებარე ერთ-ერთ ყველაზე ცნობილ ცათამბჯენზე – Empire State Building-ზე რუსმა „roof climbing“-ის ექსტრემალებმა ანჯელა ნიკოლაუმ და ივან ბირკუსმა ასვლა განახორციელეს.
ინფორმაციის მიხედვით, მათ შენობის შპილზე ბანერი გადმოფინეს, რომელზეც ეწერა: „როდესაც სიყვარულის ძალა სძლევს ძალაუფლების სიყვარულს, მსოფლიო პოულობს მშვიდობას.“
მწვერვალზე ივან ბირკუსმა ანჯელა ნიკოლაუს ხელი სთხოვა. ჩამოსვლის შემდეგ წყვილი სამართალდამცველებმა დააკავეს. მათ შესაძლოა წაუყენონ ბრალი უკანონო შეღწევისა და საზოგადოებრივი უსაფრთხოების საფრთხის შექმნის მუხლებით.
შემთხვევის შემდეგ ანჯელა ნიკოლაუმ სოციალურ ქსელში დაადასტურა შესრულებული „stunt“, გააზიარა ფოტოები Empire State Building-ის მწვერვალიდან და ნიშნობის ბეჭედი.
ცნობილია, რომ წყვილი მანამდე მონაწილეობდა 2024 წლის Netflix-ის დოკუმენტურ ფილმში „Skywalkers: A Love Story“.
