მაესტროში მიმდინარე მოვლენებს გამოეხმაურა სახალხო დამცველი. ომბუდსმენი აუცილებლად მიიჩნევს, რომ პროცესები განვითარდეს მშვიდად და ფორსირებულ რეჟიმში არ მოხდეს საკითხის გადაწყვეტა. ასევე არ უნდა დარჩეს კითხვები, რომელიც პროცესებში ხელისუფლების ჩართვაზე მიუთითებს.
“ჩემთვის ძალიან მნიშვნელოვანია, რომ სარედაქციო დამოუკიდებლობა იყოს გარანტირებული, ჟურნალისტებს მიეცეთ მაქსიმალური შესაძლებლობა გააგრძელონ მუშაობა ისე, როგორც მუშაობდნენ. ნებისმიერი კითხვის ნიშანი არ უნდა იყოს დასმული, რომელიც ხელისუფლების მონაწილეობას ამ პროცესებში რაღაცნაირად წარმოსახავს,” – განაცხადა უჩა ნანუაშვილმა.