საქართველოს სტატისტიკის ეროვნული სამსახურის მონაცემებით, 2025 წელს ქვეყანაში გარდაცვალების მაჩვენებელი წინა წელთან შედარებით გაიზარდა. გასულ წელს სულ 44 319 ადამიანი გარდაიცვალა, რაც 2024 წლის მონაცემს 348 ერთეულით (0.8%-ით) აღემატება.
გარდაცვალების ძირითადი მიზეზები: სტატისტიკის მიხედვით, გარდაცვალების წამყვანი მიზეზები სისხლის მიმოქცევის სისტემის დაავადებები (37.7%) და სიმსივნეებია (15.5%). გარდაცვალების ტოპ-7 მიზეზი 2025 წელს ასე გამოიყურება:
სისხლის მიმოქცევის სისტემის ავადმყოფობები: 16 711 გარდაცვლილი.
სიმპტომები, ნიშნები და გადახრები ნორმიდან: 9 389 გარდაცვლილი.
სიმსივნეები: 6 877 გარდაცვლილი.
სასუნთქი სისტემის ავადმყოფობები: 3 533 გარდაცვლილი.
ტრავმები და მოწამვლები: 1 973 გარდაცვლილი.საჭმლის მომნელებელი სისტემის ავადმყოფობები: 1 521 გარდაცვლილი.
ენდოკრინული სისტემისა და ნივთიერებათა ცვლის დარღვევები: 1 024 გარდაცვლილი.
საქსტატის ინფორმაციით, გარდაცვალების მიზეზები ასაკობრივი ჯგუფების მიხედვით განსხვავდება: 5 წლამდე ბავშვებში პერინატალური დარღვევები ჭარბობს, 5-დან 39 წლამდე ასაკში — ტრავმები და უბედური შემთხვევები, ხოლო 40 წლისა და უფროსი ასაკის პირებში — სისხლის მიმოქცევის სისტემის ავადმყოფობები და სიმსივნეები.
