საქართველოში წამლის ხარისხის ეროვნული ლაბორატორია შეიქმნება

მედიკამენტებით უზრუნველყოფისა და ფალსიფიკაციის რისკების შემცირების მიზნით, დაიწყო წამლის ხარისხის ეროვნული ლაბორატორიის შექმნა, – ამის შესახებ საქართველოს ჯანდაცვის მინისტრმა, ეკატერინე ტიკარაძემ განაცხადა, რომელიც სამინისტროს საქმიანობის ანგარიშს წარადგენს.

მინისტრის განცხადებით, მიმდინარეობს შენობის მოწყობა და საჭირო აპარატურის შესყიდვა. ლაბორატორიის ამოქმედება 2022 წლის ბოლომდეა დაგეგმილი.

გარდა ამისა, ჯანდაცვის სამინისტროს ინფორმაციით, 2020 წელს გაიცა პირველი GMP და GDP სერტიფიკატები. 2022 წლიდან ფარმაცევტული საწარმოებისა და დისტრიბუტორებისთვის სავალდებულო გახდება GMP და GDP სტანდარტის დაცვა. GMP/GDP სერტიფიკატების მისაღებად სააგენტოს უკვე მიმართა 15-მა დაწესებულებამ.

წინა სტატიაშიკულუმბეგოვის პროგნოზით, საქართველოში იანვრის მეორე ნახევრიდან „ომიკრონის“ შტამი დომინანტური გახდება
შემდეგი სტატიატიკარაძე: 2021 წელს პირველადი ჯანდაცვის რეფორმა დაიწყო, რომელიც სისტემის ფუნდამენტურ და კომპლექსურ გაუმჯობესებას გულისხმობს