საქართველოში სომხეთის ელჩმა იური ვარდანიანმა საქართველოს პროკურატურას შუამდგომლობით მიმართა საპროცესო გარიგების შესახებ სომხეთის ერთ-ერთ მოქალაქეზე, რომელიც სხვა ხუთ პრთან ერთად ურანის რეალიზაციისთვის არის დაკავებული.
საქართველოს უშიშროების სამსახურმა 18 აპრილს სომხეთის მოქალაქეები აშოტ გოროიანი, მარინა მოვსესიანი, ხაიზაკ ოვაკიანი და საქართველოს მოქალაქეები თამაზ ბიჭიკაშვილი, მუხთარ ცქიტიშვილი და სავლე ლურსმანაშვილი რადიაქტიული ნივთიერება ურან-238-ის არაკანონიერი შეძენის გამო დააკავა. გამოძიების ვერსიით, ბრალდებულები თბილისში მისი შემდგომი რეალიზაციის მიზნით შეიკრიბნენ. ისინი ურანს 200 მილიონ დოლარად ყიდდნენ.
