საქართველოში „სინოფარმის“ ვაქცინის მილიონი დოზა შემოვიდა

საქართველოში „სინოფარმის“ ვაქცინის მილიონი დოზა შემოვიდა. აღნიშნულის შესახებ ინფორმაციას ჯანდაცვის სამინისტრო ავრცელებს.

„სინოფარმის“ ვაქცინის მილიონი დოზა საქართველოშია ჩინური წარმოების მიერ წარმოებული , COVID-19-ის საწინააღმდეგო ვაქცინის „სინოფარმის“ მილიონი დოზა საქართველოშია.

„ჩინური წარმოების, ტრადიციულ მეთოდზე დამზადებული „სინოფარმის“ ვაქცინა ერთ-ერთი ყველაზე გავრცელებული ვაქცინაა მსოფლიოში. საქართველოში „სინოფარმით“ ვაქცინაცია 18 წელს ზემოთ მოქალაქეებისთვის არის ხელმისაწვდომი.

ვაქცინაციისთვის საჭირო 2 დოზა, 21-28 დღის ინტერვალით კეთდება. ვაქცინაციისთვის ვიზიტის დაჯავშნა შესაძლებელია ელექტრონულ პორტალზე – https://booking.moh.gov.ge/ . მასობრივი ვაქცინაციის ცენტრებში აცრა შესაძლებელია წინასწარი რეგისტრაციის გარეშე.

„კოვიდ-19“-ის ვაქცინაციაზე რეგისტრაციასთან დაკავშირებული კონსულტაციის მისაღებად შეგიძლიათ დაუკავშირდეთ – 144-3 და 15 22-ს . „კოვიდ-19“-ის საწინააღმდეგო ვაქცინაცია ინფექციისაგან თავდაცვის ეფექტური და უსაფრთხო საშუალებაა. ჯანმრთელობის მსოფლიო ორგანიზაცია, საზოგადოებრივი ჯანდაცვის უწყებები და კვალიფიციური ექიმები რეკომენდაციას უწევენ COVID-19-ის საწინააღმდეგო ვაქცინაციას“, – აღნიშნულია ინფორმაციაში.

წინა სტატიაშიზურაბიშვილი – კომენტარები დღეს უნდა მოდიოდეს არა პარტიიდან, არამედ უწყებებიდან, რომლებიც ვალდებული არიან, ფაქტებით დაადასტურონ ტყუილ-მართალი,
შემდეგი სტატიაზურაბიშვილი – საზოგადოება დესტრუქციულ გზაზე არც ერთ პარტიას არ გაჰყვება, რადგან გაცნობიერებული აქვს, საითკენ შეიძლება, მიდიოდეს ქუჩაში გადატანილი პოლარიზაცია