საქართველოში საგანგებო მდგომარეობა 10 მაისამდე გახანგრძლივდება

თაიმერი timer.ge
ავტ.: თაიმერი timer.ge აპრილი 14, 2020 17:31

საქართველოში საგანგებო მდგომარეობა 10 მაისამდე გახანგრძლივდება

ჩვენ მივმართავთ პრეზიდენტს, უახლოესი დღეების განმავლობაში მიმართოს პარლამენტს, საგანგებო მდგომარეობის ქვეყნის მასშტაბით გაგრძელების თაობაზე, 10 მაისამდე, – ამის შესახებ საქართველოს პრემიერ-მინისტრმა გიორგი გახარიამ ბრიფინგზე განაცხადა.

მთავრობის მეთაურის თქმით, ეს არის ის აუცილებელი ნაბიჯები, რომელიც მისაღებია იმისთვის, ქვეყანა რომ ვირუსის გავრცელების შენელების ახალ ეტაპზე გადავიდეს.

„მე მინდა თითოეულ ჩვენს მოქალაქეს მოვუწოდო, რომ მიუხედავად იმისა, რომ ჩვენ ყველას კარგად გვესმის, რომ ეს შეზღუდვები არის უზარმაზარი დისკომფორტის მონტანი, როგორც ჩვენი ყოველდღიური ცხოვრებისთვის, ასევე ჩვენი შემოსავლებისთვის, ეკონომიკისთვის, ბიზნესისთვის, კომპანიებისთვის, სამუშაო ადგილებისთვის, მაგრამ ეს არის ის აუცილებლობა, რომელიც ჩვენ უნდა მივიღოთ და თითოეული ჩვენგანი ამას უზარმაზარი პასუხისმგებლობით უნდა მოვეკიდოთ. ეს არ არის პერსონალური პასუხისმგებლობა ჩვენს მიმართ, ეს არის პასუხისმგებლობა იმ სოციუმის მიმართ, სადაც ჩვენ ვცხოვრობთ, , – განაცხადა გიორგი გახარიამ.

მისი თქმით, რაც უფრო ზუსტად შესრულდება დაწესებული ამ შეზღუდვები, მით უფრო სწრაფად გახდება შესაძლებელი იმ შემსუბუქების გეგმის განხორციელება, რომელიც ეკონომიკის და ბიზნესთან მიმართებაში მთავრობას აქვს შემუშავებული .

“COVID19 -თან ბრძოლა არ არის მხოლოდ ერთ ფრონტზე, ეს გახლავთ ბრძოლა ორ ფრონტზე – ჩვენი მოქალაქის ჯანმრთელობის და ეკონომიკის გადარჩენის ფრონტზე. რაც უფრო თანმიმდევრულები ვიქნებით და რაც უფრო ზუსტად შევასრულებთ ამ შეზღუდვებს, მით უფრო სწრაფად შევძლებთ იმ შემსუბუქების გეგმის განხორციელებას, რომელიც ეკონომიკის და ბიზნესთან მიმართებაში მთავრობას შემუშავებული აქვს. ეპიდემიოლოგიური რისკები და ეკონომიკის აღდგენის დაწყების ეტაპი პირდაპირ კავშირშია. ჩვენ ყველა უნდა შევთანხმდეთ იმაზე, რომ COVID19 არის მოვლენა ჩვენს ცხოვრებაში, რომელსაც ჩვენ უნდა შევეგუოთ და უნდა მივეჩვიოთ, როგორც პირბადით, ასევე ხელთათმანებით შრომას, ყოველდღიურ ცხოვრებას, უნდა  გავიაროთ ეს ადაპტაცია. ჩვენი ჯანდაცვის სისტემა უნდა იყოს მზად გარკვეული რაოდენობის ინფიცირებული ადამიანების სწორი და წარმატებული მართვის“, – განაცხადა გიორგი გახარიამ.

თაიმერი timer.ge
ავტ.: თაიმერი timer.ge აპრილი 14, 2020 17:31

Google სტატისტიკა


3,819
ვიზიტორი
დღეში
Powered By Google Analytics