საქართველოში ოქრო კიდევ 3 ლარით გაძვირდა.
ინფორმაციას გამოცემა bpn. ge ავრცელებს და წერს, რომ ამ დროისთვის 1 გრამი 999 სინჯის ძვირფასი ლითონი საშუალოდ 364 ლარი ღირს მაშინ, როდესაც გასულ დღეებში მისი ფასი დაახლოებით 361 ლარი იყო.
მათივე ცნობით, ამას გლობალურ ბაზარზე ოქროს გაძვირება განაპირობებს – ბოლო ვაჭრობის შედეგად, 1 უნცია ოქროს ღირებულება 63 დოლარით გაიზარდა და 4 175 დოლარი შეადგინა.
Gold Price-ის მონაცემებით, დღის ჭრილში ძვირფასი ლითონის ფასი 1.5%-ით არის გაზრდილი. ბოლო ერთი თვის განმავლობაში ოქრო 8.2%-იან კლებას აჩვენებს, თუმცა წლიურად 23%-იანი ზრდა ფიქსირდება.
