საქართველოში კორონავირუსით ინფიცირებულთა რიცხვი 408-მდე გაიზარდა

საქართველოში კორონავირუსით ინფიცირებულთა რიცხვი 408-მდე გაიზარდა.
ინფორმაცია საქართველოს მთავრობის სპეციალურ ვებგვერდზე გამოქვეყნდა.

ამ დროისთვის, საქართველოში კორონავირუსის 408 შემთხვევაა დადასტურებული, მათ შორის გამოჯანმრთელდა 95 ადამიანი, გარდაიცვალა ოთხი.

კარანტინის რეჟიმში რჩება 4779, ხოლო სტაციონარში მეთვალყურეობის ქვეშ 561 პირი.

ამასთან, უცხოეთიდან სამკურნალოდ გადმოყვანილია საქართველოს სამი მოქალაქე.